सोलापूर : प्रतिनिधी
तेजस्विनी महिला उद्योग समूह आणि माजी उपमहापौर दिलीप कोल्हे यांच्या वतीने बचत गटातील 100 महिलांना श्री दत्त महाराजांचे जन्म ठिकाण पिठापूर या ठिकाणी देवदर्शनासाठी यात्रा काढण्यात आली आहे यासंदर्भात बैठक घेण्यात आली. यावेळी तेजस्विनी उद्योग समूहाचे प्रमुख आधारस्तंभ तथा माजी उपमहापौर शिवसेनेचे शहर समन्वयक दिलीप कोल्हे माजी नगरसेविका मंगलाताई कोल्हे यांची प्रमुख उपस्थिती होती.
प्रारंभी मकर संक्रांत आणि हळदी कुंकवाचा कार्यक्रम घेण्यात आला सर्व सुवासिन महिलांना हळदीकुंकू लावून तिळगुळ देत मकर संक्रांतीच्या शुभेच्छा देण्यात आल्या. कोणतीही महिला हरवू नये अथवा त्यांची गैरसोय होऊ नये यासाठी दहा महिलांचा एक गट केला असून त्यावर एक प्रतिनिधी नियुक्त करण्यात आलेला आहे. देवदर्शन यात्रा काळात येणाऱ्या अडचणी दूर व्हाव्यात यासाठी उपाययोजना सूचवण्यात आल्या.
श्री दत्त महाराजांचे जन्मस्थान पिठापूर येथे देवदर्शन यात्रेसाठी जाताना कोणकोणते साहित्य घ्यावे आणि कशा पद्धतीने काळजी घ्यावी याची सखोल माहिती आयोजक दिलीप कोल्हे आणि मंगलाताई कोल्हे यांनी दिली.
माजी उपमहापौर दिलीप कोल्हे यांनी बचत गटातील शेकडो महिलांना भारतातील अनेक देवदर्शन घडविले आहे. यासह दिल्ली, अजमेर, वाघा बॉर्डर येथेही सहली काढले आहेत. घरात बसणारी महिला, बचत गटाची महिला ही देशभर फिरून आली तिने अनेक राज्य, अनेक भाषा, प्रत्येक राज्यातील अन्नपदार्थ याची माहिती मिळाली. अशी माहिती देत कोल्हे कुटुंबीयांचे आभार बचत गटातील महिलांनी मानले.
या हळदीकुंकू आणि देवदर्शन सहल यात्रेच्या बैठक प्रसंगी वंदना जाधव, कविता चव्हाण, सुलोचना मस्के, राधा गायकवाड, सारिका सुरवसे, विद्यालता करणीकर, अर्चना लामतुरे, वैशाली अनुसे, नायडू ताई यांचा सह शेकडो महिला उपस्थित होत्या.
