शहर गुन्हे शाखेची कामगिरी, बेकायदेशीरित्या काळविटाचे ५ शिंगे बाळगणाऱ्या इसमास अटक

सोलापूर : प्रतिनिधी

१६ जून २०२४ रोजी, सपोनि/जीवन निरगुडे व त्यांचे तपास पथकास गोपनिय बातमीदामार्फत बातमी मिळाली की, “एक इसम काळविटाची शिंगे विक्री करण्यासाठी, बाळीवेस, सोलापूर या ठिकाणी येणार आहे.” त्यानुसार, सपोनि/जीवन निरगुडे व त्यांचे तपास पथकाने, सदर ठिकाणी सापळा रचुन, आरोपी नामे- अजित अविनाश सरवदे, वय ३४ वर्षे, रा- घ.नं. १४८ हब्बु वस्ती, बुध्द विहार, देगाव रोड, सोलापूर यास ताब्यात घेतले. त्यावेळी, त्याची झडती घेतली असता, त्याच्या हातातील पिशवीमध्ये काळवीट या वन्य प्राण्याची शिंगे मिळुन आली. त्याबाबत त्याच्याकडे कोणताही परवाना नसल्याचे आढळुन आले. त्यानंतर, त्याने विक्रीसाठी विनापरवाना बेकायदेशीर रित्या बाळगलेले (१) १८ इंच लांबीचे- ०२ नग, (२) १४ इंच लांबीचे- ०२ नग, (३) १० इंच लांबीचे- ०१ नग असे एकुण ०५ काळवीटाचे शिंगे त्याचे ताब्यात मिळुन आले. याबाबत, नमूद आरोपी विरूध्द फौजदार चावडी पोलीस ठाणे, सोलापूर शहर गु.र.नं.३७६/२०२७ वन्यजीव (संरक्षण) अधिनियम १९७२ चे कलम ९, ३९, ४८, ४९(ब), ५१ अन्वये गुन्हा नोंद करण्यात आला आहे. पुढील तपास फौजदार चावडी पोलीस स्टेशन करीत आहे.

सदरची कामगिरी एम. राज कुमार, पोलीस आयुक्त सोलापूर शहर, डॉ. दीपाली काळे, पोलीस उप-आयुक्त, गुन्हे, श्रीमती प्रांजली सोनवणे, सहायक पोलीस आयुक्त, गुन्हे, सुनिल दोरगे, वरिष्ठ पोलीस निरीक्षक, गुन्हे शाखा, यांचे मार्गदर्शनाखाली, स.पो.नि./जीवन निरगुडे, पोलीस अंमलदार दिलीप किर्दक, वाजीद पटेल, योगेश बर्डे, संजय साळुंखे, यांनी केली आहे.