कोळा जुनोनी परिसरात रात्री ड्रोनच्या घिरट्या.? ग्रामस्थांत भीती, संशयास्पद हालचाली दिसल्यास पोलिसांशी संपर्क साधा
सोलापूर : प्रतिनिधी
सांगोला तालुक्यातील कोळा कोंबडवाडी कराडवाडी परिसरात विविध भागांमध्ये गेल्या दिवसापासून रात्रीच्या वेळी आकाशात ड्रोन घिरट्या घालत आहेत. त्यामुळे ग्रामस्थांमध्ये धास्ती निर्माण झाली आहे. मात्र या ड्रोनबाबत माहिती नसल्याने उलट सुलट चर्चा परिसरात सुरू आहेत.
गेल्या काही दिवसापासून कोळा जुनोनी सह विविध गावांमध्ये रात्री साडेआठनंतर आकाशामध्ये एकाच वेळी तीन-चार ड्रोन फिरत असताना ग्रामस्थांच्या निदर्शनास येत आहेत. रात्री साडेआठ वाजल्यापासून ते अकरा साडे अकरा पर्यंत तर कधी कधी मध्यरात्री हे ड्रोन फिरताना अनेक ग्रामस्थांनी पाहिले आहेत. हे ड्रोन गावांमध्ये चोरीच्या उद्देशाने फिरत असल्याची अफवा ग्रामस्थांमध्ये रंगू लागली आहे.
डोन बंद घरांना लक्ष्य चालविणारा सापडत नाही आकाशात फिरणारे हे ड्रोन साधारण जमिनी पासून दोनशे ते अडीचशे फूट उंचीवर फिरत आहेत. ऑपरेट सिस्टीम साधारण चार ते सहा किलोमीटर अंतरापर्यंत असू शकते. त्यामुळे हे कोणत्या दिशेने ऑपरेट केले जात आहेत. याबाबत अनेकांनी शोध घेतला मात्र याबाबत ठोस माहिती मिळाली नाही. त्या ठिकाणी चोऱ्या करत असल्याची अफवाही सध्या परिसरात पसरली आहे.
सध्या हे ड्रोन आकाशात जमिनीपासून सुमारे दोनशे ते दीडशे फूट उंचीवरून फिरत असल्याने अनेकांना स्पष्ट दिसले नाहीत. मात्र, त्याच्या खालील बाजूस लागणाऱ्या लाल पिवळ्या अशा रंगीत प्रकाशामुळे व एकाच वेळी तीन चार ड्रोन दिसत असल्याने हे ड्रोनच असल्याचे लोक खात्रीशीर बोलत आहेत.
पडळ, धोंडेवाडी, चितळी या गावांत हे ड्रोन घराजवळ आल्याचेही काही ग्रामस्थ सांगत आहेत. रात्रीच्या वेळी फिरणाऱ्या या ड्रोनबाबत पोलिस प्रशासनालाही काही ठोस माहिती नसल्याचेही दिसन येत आहे. त्यामुळे हे ड्रोन नेमके कोणत्या कारणासाठी रात्रीच्या वेळी फिरतात याबाबत उलट सुलट चर्चा असली तरी ग्रामस्थ हे चोरीच्या उद्देशानेच फिरत असल्याची चर्चा करत आहेत. त्यामुळे ज्या भागात हे ड्रोन रात्रीच्या वेळी दिसतात त्या भागातील ग्रामस्थ धास्ती घेत आहेत.
कोळे भागात आकाशामध्ये रात्रीच्या वेळी फिरणाऱ्या ड्रोनबाबत प्रशासनाकडून अधिकृतपणे कोणताही खुलासा करण्यात आलेला नाही. पोलिस विभागाला किवा इतर विभागांकडून कोणतीही ठोस माहिती उपलब्ध नाही. परंतु ग्रामस्थांनी घाबरून न जाता संशयास्पद इतर हालचाली दिसल्यास यांच्याशी संपर्क साधावा.
