हौसे वस्ती येथे विपश्यना ध्यान साधना शिबिराचे आयोजन

2 Min Read

सोलापूर : प्रतिनिधी

विपश्यना आचार्य गोयंका गुरुजी यांच्या ११ व्या स्मृती दिनानिमित्त दि बुध्दिस्ट सोसायटी ऑफ इंडिया सोलापूर जिल्हा महिला शाखा व वेळुवन बुद्ध विहार सोलापूर, सिद्धार्थ तालीम संघ यांच्या संयुक्त विद्यमाने हौसे वस्ती,आमराई येथे विपश्यना ध्यान साधना शिबिराचे आयोजन करण्यात आले आहे.

रविवार दि. २९ व ३० सप्टेंबर २०२४ रोजी हे शिबीर असणार आहे. रविवार दि. २९ सप्टेंबर रोजी सकाळी ९ ते ४ या वेळेत बुद्ध वंदना शिबिर होणार आहे. त्यांनतर विपश्यना ध्यान शिबीर (फक्त जुन्या साधकांकरीता) घेण्यात येणार आहे. यावेळी २८ बुध्दमुर्तीची पुजनदेखील करण्यात येणार आहे. रात्री ८ वाजता विपश्यनेवर आधारीत भिक्खुसंघाचे व उपासकांचे प्रवचन होणार आहे. त्यानंतर हौसे वस्ती आमराई येथील सिद्धार्थ तालीम संघाच्या बुद्ध विहार येथे रात्री ११ ते सकाळीं ६ वाजे पर्यंत त्रिसरणासह, पंचशिल संपूर्ण महापरित्राण पाठ होणार आहे.

सोमवार ३० सप्टेंबर रोजी सकाळी ८ वाजल्या पासून अन्नदानाचा कार्यक्रम राबवण्यात येणार आहे. या दोन्ही कार्यक्रमांसाठी उपासक उपासिकांनी शुभ्र वस्त्र परिधान करुन यावे. सर्वांनी श्रद्धायुक्त भावेने धम्मदान द्यावे असेही आवाहन यावेळी दि बुद्धिस्ट सोसायटी व सिद्धार्थ तालीम संघातर्फे करण्यात आले आहे.

शिबिरातील प्रमुख उपस्थिती 

अखिल भारतीय भिक्खु, भिक्खुणी संघ भन्ते रट्टपाल (अमरावती), भन्ते सारिपुत्त थेरो (सोलापूर), भिक्षुणी धम्मचारणी (सोलापूर), भिक्षुणी धम्मदिना (अणदूर), निर्मला कांबळे, धम्मरक्षिता कांबळे, शारदा गजभिये, नंदा काटे, मिनाक्षी बनसोडे, अण्णासाहेब वाघमारे, नागसेन माने, प्रा. संघप्रकाश दुड्डे, प्रदिप ताकपेरे, शेखर शिवशरण, विनोद वाघमारे, श्रद्धा सनमडीकर, के. एम. कांबळे

Share This Article
Leave a comment

Leave a Reply

Your email address will not be published. Required fields are marked *

error: Content is protected !!