सोलापूर : प्रतिनिधी
सांगोला तालुक्याचे शिंदे गटाचे आमदार शहाजी पाटील यांचे निकटवर्तीय म्हणून संपूर्ण सांगोला तालुक्याला परिचित असणारे चंद्रशेखर ताटे यांनी शहाजी पाटील यांना आज सोडचीटी दिली. चंद्रशेखर ताटे यांनी शहाजी पाटील यांच्यासाठी अनेक वर्ष कार्यकर्त्यांची फौज तयार केली, परंतु शहाजी पाटलांची गद्दारी त्यांच्या जिव्हारी लागल्यामुळे त्यांनी राष्ट्रवादीचे सर्वेसर्वा शरद पवार यांचा नेतृत्वावर विश्वास ठेवून राष्ट्रवादी काँग्रेस शरदचंद्र पवार पक्षामध्ये जिल्हाध्यक्ष बळीराम साठे यांच्या हस्ते पक्ष प्रवेश वडाळा येथे करण्यात आला.
यावेळी त्यांनी त्यांचे असंख्य कार्यकर्ते घेऊन शक्तिप्रदर्शन केले या पक्षप्रवेशासाठी जिल्हा संघटक संजय जाधव, राष्ट्रीय छावा संघटनेचे उत्तर तालुका अध्यक्ष रतिकांत पाटील यांचे विशेष सहकार्य लाभले. यावेळी चंद्रशेखर ताटे यांचे विशेष सहकारी विजय चव्हाण, विजय बाजारे, अजित तांबोळी, संतोष देशमुख, धनजय विभुते, संतोष गुरव, सहील सरतापे यांच्यासह असंख्य कार्यकर्त्यांनी जाहीर पक्षप्रवेश केला.
- यावेळी मनोज साठे, जितेंद्र शिलवांत, नागेश पवार, गणेश पाटील, महेश बोराडे यांची प्रमुख उपस्थिती होती.