सोलापूर : प्रतिनिधी
दक्षिण सोलापूर परिवर्तन विकास आघाडीची महत्त्वाची बैठक आज घेण्यात आली बैठकीमध्ये सर्व अपक्ष उमेदवार होते दक्षिण सोलापूर परिवर्तन आघाडीकडून असे ठरवण्यात आले की दक्षिण सोलापूर परिवर्तन आघाडीचा एकच असा उमेदवार असणार त्याच्या पाठीशी सर्व अपक्ष उमेदवार उभारणार आहेत.
दक्षिण सोलापूर विधानसभा मतदारसंघांमध्ये अपक्ष उमेदवारांपैकी बहुतांश उमेदवार हे ओबीसी आणि बहुजन घटकातून येतात आज दक्षिण सोलापूर मध्ये सुमारे ७० टक्के ओबीसी बहुजन समाज आहे. ओबीसी आणि बहुजन समाजासाठी कायम प्रयत्नशील राहणारा व त्यांच्या हक्काची न्यायाची दखल घेणाऱ्याची आज गरज आहे.
या बैठकीस श्रीशैल हत्तुरे, तोफिक पैलवान शेख, बाळूमामा बंडगर, सचिन सोनटक्के, डॉ बसवराज बगले, उमेश गायकवाड, दादा कोरे, अण्णाप्पा सतुबर, मीनाक्षी टिळे, शेखर बंगाळे, सिद्राम चोपडे, दक्षिण सोलापूर परिवर्तन विकास आघाडीचे निमंत्रक युवराज राठोड यांची उपस्थिती होती. यावेळी बैठकीत सर्व अपक्षांमधून एकाची निवड करण्यात आली आहे ती उद्या जाहीर करण्यात येईल अशी माहिती दक्षिण सोलापूर परिवर्तन विकास आघाडीचे निमंत्रक युवराज राठोड यांनी दिली.
एकंदरीतच दक्षिण मधील राजकारण ढवळून निघाले असून एवढे सगळे अपक्ष उमेदवार एकत्र येऊन जर एक उमेदवार देत असतील तर विजयाची एक आशा निर्माण झाल्याने आमदार आणि इतर इच्छुकांच्या टेन्शन मात्र वाढल्याची चर्चा दक्षिण मध्ये दिसून आली.