सोलापूर : प्रतिनिधी
काँग्रेसच्या माजी नगरसेविका, गोल्डन नगरसेविका म्हणून ओळख असलेल्या श्रीदेवी फुलारे यांच्यासह उद्योजक जॉन फुलारे आणि युवा नेते विराज फुलारे यांचा पालकमंत्री जयकुमार गोरे, आमदार देवेंद्र कोठे, शहराध्यक्ष रोहिणी तडवळकर यांच्या प्रमुख उपस्थितीमध्ये भारतीय जनता पार्टीमध्ये प्रवेश केला आहे.
यावेळी माजी उपमहापौर तथा भाजप नेते दिलीप कोल्हे, नागेश खरात, अंबादास करगुळे, आणि प्रभाग १५ मधील भाजप पदाधिकारी उपस्थित होते.
पालकमंत्री जयकुमार गोरे यांच्या हस्ते शासकीय विश्रामगृहात प्रवेश घेतल्यानंतर गोल्डन नगरसेविका श्रीदेवी फुलारे, जॉन फुलारे आणि विराज फुलारे यांनी विमानतळावर मुख्यमंत्री देवेंद्र फडणवीस यांची भेट घेतली. आमदार देवेंद्र कोठे यांनी गोल्डन नगरसेविका श्रीदेवी फुलारी यांची ओळख करून देत त्यांच्या कामाची माहिती दिली.