सोलापूर (प्रतिनिधी)
जय महाराष्ट्र तरुण मंडळाच्या वतीने शिवजन्मोत्सव २०२६ हा नेहमी प्रमाणे यंदाही उत्साहपूर्ण व जल्लोषमय वातावरणात साजरा करण्याचा निर्णय घेण्यात आला आहे. यानिमित्त नुतन पदाधिकाऱ्यांची निवड करण्यासाठी मंडळाची महत्त्वाची बैठक मंडळाचे आधारस्तंभ दिलीप कोल्हे यांच्या अध्यक्षतेखाली पार पडली.
या बैठकीत शिवजन्मोत्सवाच्या भव्य मिरवणुकीसह विविध सांस्कृतिक उपक्रमांचे नियोजन करण्यात आले. यावेळी सर्व नवनियुक्त पदाधिकाऱ्यांचे सर्वानुमते अभिनंदन करण्यात आले.
निवड करण्यात आलेले पदाधिकारी पुढीलप्रमाणे —
उत्सव अध्यक्षपदी अर्जुन घाडगे, उपाध्यक्ष म्हणून अरबाज शेख, कार्याध्यक्षपदी पार्थ कोल्हे यांची निवड करण्यात आली. प्रसिद्धी प्रमुख म्हणून राहुल काटे, रवी व्हनमोरे व कुणाल बाईंग यांची जबाबदारी सोपविण्यात आली आहे. खजिनदार म्हणून करण निकम, उपखजिनदार गिरिश मडिवाळ, सचिव आकाश जाधव, तर उपसचिव म्हणून रोहित बळवंत व गुरुप्रसाद हिरेमठ यांची निवड झाली आहे.
लेझीम प्रमुख म्हणून रणजित कोल्हे, चंद्रकांत गायकवाड व रणवीर कोल्हे यांची नियुक्ती करण्यात आली आहे.वसल्लागार समितीत अमित जेटीथोर, जावेद शेख, युवराज घाडगे व गुलाब शेख यांचा समावेश करण्यात आला आहे. मिरवणूक प्रमुख म्हणून रवी कोल्हे, राजू भैय्या पवार, सुभाष कदम व कादर जमादार यांची निवड करण्यात आली.
या बैठकीस मंडळातील लेझीम खेळाडू मोठ्या संख्येने उपस्थित होते. शिवजन्मोत्सवाच्या माध्यमातून सामाजिक एकोपा व छत्रपती शिवाजी महाराजांचे विचार नव्या पिढीपर्यंत पोहोचवण्याचा संकल्प यावेळी व्यक्त करण्यात आला.