बाळासाहेब ठाकरे यांचे विचार आत्मसाद करून शिवसैनिकांनी आपल्या जीवनाची वाटचाल करावी : सुरेश जगताप
सोलापूर : प्रतिनिधी
शिवसेनाप्रमुख माननीय बाळासाहेब ठाकरे यांच्या 97 व्या जयंतीनिमित्त वसंत विहार शिवसेना शाखेच्या वतीने राजे गणपती सांस्कृतिक मंडळाच्या वतीने साजरी करण्यात आली.
या प्रसंगी शिवसेनाप्रमुखांच्या प्रतिमेचे पूजन विद्यार्थी सेनेचे जिल्हा संघटक लहू गायकवाड, उपसरपंच सुरेश जगताप यांच्या हस्ते पुष्पहार अर्पण करण्यात आला.
यावेळी बाळासाहेब ठाकरे अमर रहे.. जय भवानी जय शिवाजी.. छत्रपती शिवाजी महाराज की जय.. इत्यादी घोषणा देऊन या परिसरात भगवामय वातावरण करण्यात आले होते. यावेळी लाडू वाटून जन्मदिवस साजरा करण्यात आला.
याप्रसंगी विभाग प्रमुख आबा सावंत, महेश गवळी, दत्ता खलाटे, शाखाप्रमुख राहुल परदेशी, मारुती खानापुरे, मंडळाचे अध्यक्ष श्रीनाथ भोसले, विशाल ठगेकर, विवेक रुपनर, सुभाष राऊत, तुकाराम भोसले, आशुतोष माने, मल्लू चौगुले, शिवराम मेटकरी इत्यादी शिवसैनिक उपस्थित होते.
