सदर बाजार पोलीस ठाण्याच्या DB पथकाची दमदार कामगिरी, दरोड्याचा गुन्हा 1 तासात आणला उघडकीस
सोलापूर : प्रतिनिधी
13 मार्च 2025 रोजी पहाटे 02.45 वा. चे सुमारास नाईस बेकरी समोर कुमठा नाका सोलापूर येथे फिर्यादी नामे आनंद नरसप्पा कत्तुल वय. 53 वर्षे व्यवसाय केबल ऑप्रेटर रा. प्लॉट नं.3.3 नवनाथ नगर, लक्ष्मी-नारायण थेटर पाठिमागे सोलापूर व साक्षीदार रिक्षा नंबर MH 13 CT 2695 ने जात असताना अनोळखी पाच ते सहा इसमांनी रिक्षा आडवून नमुद फिर्यादसह रिक्षा चालक इस्माईल नबीलाल नदाफ व महेश पांडूरंग आवार यांना मारहाण केली व त्या पैकी एका इसमाने फिर्यादीचे गळ्यास कोयता लाऊन हालला तर खलास करीन अशी धमकी देऊन फिर्यादीचे खिशातील रोख रक्कम रुपये 1,20,000/- जबदरस्तीने काढुन घेतले म्हणून वगैरे मजकुरची फिर्याद दाखल आहे.
सदरचा गुन्हा दाखल झालेनंतर सदर बझार पोलीस ठाणे कडील गुन्हे प्रकटिकरण पथकाचे पोसई नितीन शिले त्यांचे पथकासह अनोळखी आरोपींचा शोध घेत असताना पोकों/ सागर गुंड, पोकों/ हणमंत पुजारी यांना गोपनिय माहिती मिळाली की, ” दिनांक 13/03/2025 रोजी पहाटे 02.45 वा. चे सुमारास नाईस बेकरी समोर कुमठा नाका सोलापूर येथे पाच ते सहा इसमांनी रिक्षा आडवून त्यातील लोकांना मारहाण करुन त्या पैकी एका इसमाने रिक्षातील एका रिक्षातील इसमास गळ्यास कोयता लाऊन त्याचे खिशातील रोख रक्कम रुपये 1,20,000/- जबदरस्तीने काढून घेतले असून ते इसम सद्या शासकीय मैदान कुमठा नाका सोलापूर येथे आहेत.” या मिळालेल्या गोपनिय माहितीवरून सदर बझार पोलीस ठाणे कडील गुन्हे प्रकटिकरण पथकाने शासकिय मैदानावर गेले तेथे पाच इसम बसलेले होते. ते गुन्हें प्रकटिकरण पथकास पाहून पळून जाऊ लागले. त्या सर्वांचा पाठलाग करुन त्यांना सदर मैदानात पकडले ती वेळ 23.30 वा.ची होती.
सदर गुन्ह्याचे तपासात यातील आरोपीने केलेल्या निवेदना वरुन गुन्ह्यातील गेले रोख रक्कम पैकी 65,000/- रुपये व गुन्ह्यात वापरलेला कोयता तपासात जप्त केला आहे. सदर गुन्ह्यामध्ये अनोळखी आरोपींचा कोणताही पुरावा नसताना सदर बझार पोलीस ठाणे कडील गुन्हे प्रकटिकरण पथकाने सदरचा गुन्हा 01 तासाचे आत उघडकीस आणला आहे.
सदरची कामगिरी एम. राजकुमार, पोलीस आयुक्त, विजय कबाडे, पोलीस उपआयुक्त परिमंडळ, यशवंत गवारे सहाय्यक पोलीस आयुक्त विभाग-2, अजित लकडे वरिष्ठ पोलीस निरीक्षक, भालचंद्र ढवळे पोलीस निरीक्षक (गुन्हे), यांचे मार्गदर्शनाखाली, गुन्हे प्रकटीकरण पथकाचे पोउपनि नितीन शिंदे, सहा. फौजदार औदुंबर आटोळे, पोहेकों शहाजहान मुलाणी, पोहेकॉ राजेश चव्हाण, पोह संतोष पापडे, पोह/सागर सरतापे, पोहेको/एयाज बागलकोटे, पोकॉ/ सागर गुंड, पोकों/सोमनाथ सुरवसे, पोकों/ हणमंत पुजारी, पोकों/ अनमोल लट्टे, पोकों/ उमेश चव्हाण, पोकों/ राम भिंगारे, पोकों/परशुराम म्हेत्रे यांनी केली आहे.
