सिंहगड इन्स्टिट्यूटमध्ये विज्ञान आणि मराठी भाषा दिन साजरा

सोलापूर : प्रतिनिधी

केगाव येथील एन बी नवले सिंहगड अभियांत्रिकी महाविद्यालयात मराठी भाषा दिन आणि मायक्रोसॉफ्ट फॉर्मने क्यूआरकोडद्वारे ऑनलाईन प्रश्न मंजुषा कार्यक्रमाने विज्ञान दिन साजरा केला.

मराठी भाषा दिनानिमित्त एन बी नवले सिंहगड अभियांत्रिकी महाविद्यालयात कवी कुसुमाग्रज यांच्या प्रतिमेस पुष्पहार अर्पण करून अभिवादन केले. यावेळेस सिंहगड इन्स्टिट्यूटच्या सीआरटीडीचे संशोधन संचालक प्रो. एस एच पवार, सिंहगड अभियांत्रिकी महाविद्यालयाचे प्राचार्य डॉ. शंकर नवले, प्रा. डॉ . संग्राम पाटील, ग्रंथपाल गणेश घोगले, विद्यानंद बाबर, जनसंपर्क अधिकारी रामकृष्ण लांबतुरे यांची उपस्थिती होती.

शुक्रवारी (ता. 28) रोजी जागतिक विज्ञान दिनानिमित्त सिंहगड अभियांत्रिकी महाविद्यालयातील प्रथम वर्षातील विद्यार्थ्यांने मायक्रोसॉफ्ट फॉर्मने क्यूआरकोडद्वारे ऑनलाईन प्रश्न मंजुषा हा कार्यक्रम अनोख्या पद्धतीने घेण्यात आला.

यावेळेस प्राचार्य डॉ. शंकर नवले, उपप्राचार्य डॉ. शेखर जगदे, डॉ. आर टी व्यवहारे, विभाग प्रमुख प्रा.के. एस पाटील, प्रा. विजय बिरादार, प्रा. प्रदीप तापकीरे, प्रा. एस एस शिरगण, प्रा. शशीकांत हिप्परगी, प्रा. प्रा. एच टी गुरमे यांची उपस्थिती होती.

कार्यक्रम समन्वयक म्हणून प्रस्मित बुगड यांनी काम पाहिले. प्रारंभी काही विद्यार्थ्यांनी इंग्रजी, मराठी भाषेत जागतिक विज्ञान विषयावर आपले मनोगत व्यक्त केले. प्रा. आयेशा अलीम, प्रा. विनोद खरात, प्रा. आय एम चंदरकी यांनी परिक्षक म्हणून काम पाहिले.

या विज्ञान दिनानिमित्त ऑनलाईन प्रश्न मंजुषा कार्यक्रमात विद्यार्थ्यांचे सहा गट करण्यात आले. तसेच उपस्थित ऑडियन्स ग्रुपमधून विद्यार्थी – विद्यार्थिनी अशी दोघांची निवड केली. या अनोख्या पद्धतीच्या कार्यक्रमानंतर शुक्रवारी सायंकाळी मान्यवरांच्या हस्ते पारितोषिकेचे वितरण करण्यात आले. सूत्रसंचालन विद्यार्थिनी दीक्षा पटेल आणि मेघा मगर यांनी केले.

* विज्ञान प्रश्न मंजुषा स्पर्धेतील यश

मायक्रोसॉफ्ट फॉर्मने क्यूआरकोड स्कॅनिंगद्वारे ऑनलाईन प्रश्न मंजुषा कार्यक्रमात पहिला क्रमांक रमन क्लासच्या झेद कलदगी आणि ग्रुप तर दुसरा क्रमांक रामानुजन ग्रुपच्या आरती गायकवाड आणि ग्रुपने पटकाविला. विद्यार्थी श्रोता वर्गातून विद्यार्थीमध्ये सुजीत मेहर (रमन क्लास) तर विद्यार्थिनीमध्ये समृद्धी साखरे (रामानुजन क्लास ) यांना पारितोषिक दिले.