पैलवान आ. महेश लांडगेच्या तालमितील मल्ल, दक्षिण मधून इच्छुक, 20 वर्ष प्रशाकीय कामाचा अनुभव
सोलापूर : प्रतिनिधी
लोकसभा निवडणुकीनंतर आगामी विधानसभा निवडणुकीचे वेध लागले आहेत. सोलापूर शहरातील तीन मतदारसंघांमध्ये महाविकास आघाडीच्या नेत्यांनी मतदारसंघ सुटण्यासाठी जोर लावला आहे. दक्षिण सोलापूर या विधानसभा मतदारसंघावर अनेकांचा डोळा असून आता या मतदारसंघात आणखी एक नवा लिंगायत समाजाचा चेहरा समोर आला आहे. त्यांची वाटचाल प्रशासनातून, सामाजिक कार्य आणि आता राजकारणाकडे पाहायला मिळत आहे. हा नवा चेहरा म्हणजे सोमनाथ उर्फ सोमेश वैद्य.
राष्ट्रवादी, भाजप, काँग्रेस सर्व पक्षीय नेत्याशी निकटवर्तीय असे सोमनाथ वैद्य हे नाव राजकारणात अनेकांना परिचित आहेच यापूर्वी त्यांनी सोलापूरचे पालकमंत्री यांचे 10 वर्ष स्वीय सहायक म्हणून काम केले आहे. मुंबईमध्ये अनेक मंत्री, आमदारांचे ते पीए राहिले आहेत. भोसरीचे पैलवान आमदार महेश लांडगे यांचे ते 10 वर्षांपासून PA म्हणून कार्यरत आहेत त्यामुळे मंत्रालयाची जवळून ओळख त्यांना आहे. गावाची पंचायत ते देशाची संसद पर्यंत सखोल अभ्यास असलेले लिंगायत समाजचे पेशाने वकिली केलेले सोमनाथ उर्फ सोमेश वैद्य दक्षिण सोलापूर मधून रिंगणात उतरणार आहेत.
सामाजिक कार्यात उतरताना सोमनाथ वैद्य यांनी आपल्या स्वयंम शिक्षा एज्युकेशन फाउंडेशनच्या माध्यमातून वेगळाच ठसा उठवला आहे. नुकतच त्यांनी सोलापूर शहरात काम करणाऱ्या श्रमिक पत्रकारांच्या पाल्यांना शिष्यवृत्तीचे वाटप केले. पत्रकारांच्या 195 पाल्यासाठी शिष्यवृत्ती देणारी ही पहिलीच संस्था ठरली आहे.
तसेच 5000 बचत गटाच्या महिलांना पर्स वाटप, गरजुना 5000 टी-शर्ट वाटप, इत्यादी समाज कार्यातून ठसा उमवटलेले जननायक असे, सोमनाथ वैद्य हे गुरुपौर्णिमे निमित्त दक्षिण सोलापूर तालुक्यातील विविध मंदिरांमध्ये तुपामधील 51 हजार बेसन लाडू वाटप करणार आहेत, दक्षिण सोलापूर भागातून महिला, जेष्ठ नेते, सामाजिक कार्यकर्ते, व्यवसायिक, युवका मधून अशा उपक्रमाची चर्चा होताना दिसून येते या उपक्रमाला त्यांचे मित्र सोलापुरातील युवक, उद्द्योजक, लिंगायत समाजचे नेते, मुस्लिम, धनगर, मराठा, बंजारा समाजातून साथ मिळत आहे. या सामाजिक उपक्रमातून निश्चितच वैद्य हे दक्षिण विधानसभा मतदारसंघात आपली राजकीय मोर्चे बांधणी करत असल्याचे चित्र स्पष्ट होत आहे.
विधानसभेची मोर्चे बांधणी करत असताना जुळे सोलापूर येथील रहिवाशी असलेले सोमनाथ वैद्य यांनी अद्याप तरी कोणत्या पक्षाशी जोडले गेलेले नाहीत परंतु त्यांचे भाजप मधून गावचे सरपंच तसेच संघाचा जवळीक असलेले लिंगायत समाजचे गोरगरिबांची जाण असणारा हा नवा चेहरा निश्चितच आपले लक्ष वेधून घेईल यात शंका नाही.
