सोलापूर : प्रतिनिधी
अरविंद धाम पोलीस वसाहत मुरारजी पेठ येथील धर्मवीर छत्रपती संभाजी महाराज बहुउद्देशीय सामाजिक संस्था यांच्या वतीने महाराष्ट्राचे दुसरे छत्रपती स्वराज्य रक्षक छत्रपती संभाजी महाराज यांच्या जयंती निमित्त मूर्तीची प्रतिष्ठापना मोठ्या उत्साही वातावरणात करण्यात आली.
यावेळी प्रमुख पाहुणे आमदार विजयकुमार देशमुख, शिवसेना जिल्हाप्रमुख अमोल शिंदे, राष्ट्रवादी नेते ज्ञानेश्वर सपाटे, सामाजिक कार्यकर्ते बापू वाडेकर, संभाजी ब्रिगेडचे जिल्हाध्यक्ष सोमनाथ राऊत, किरण पवार, सौदागर सावंत, माजी नगरसेवक शिवानंद पाटील, संजय सरवदे, राहुल दहीहंडे, योगेश भोसले, पैलवान सुरवसे, महेश सोनके, तसेच धर्मवीर छत्रपती संभाजी महाराज बहुउद्देशीय सामाजिक संस्थेचे संस्थापक बंटी सोनके यांच्या हस्ते छत्रपती संभाजी महाराज यांच्या मूर्तीची स्थापना व पुष्पहार अर्पण करून तसेच आरती करून सदर कार्यक्रमाची सुरुवात करण्यात आली.
यानंतर संस्थेच्या वतीने दरवर्षी वेगवेगळे उपक्रम राबवून छत्रपती संभाजी महाराजांची जयंती मोठ्या उत्साही वातावरणात साजरी करण्यात येते. छत्रपती संभाजी महाराज यांचे अलौकिक कार्य तसेच स्वराज्य निर्मिती मध्ये महाराजांची भूमिका इतिहासाच्या पानावर रयतेच्या मनावर मातीच्या कणावर आणि विश्वासाच्या प्रमाणतेवर राज्य करणारा राजा म्हणजेच छत्रपती संभाजी महाराज यांचा इतिहास प्रत्येकाना कळवा म्हणुन त्याचाच एक भाग म्हणून धैर्य आणि पराक्रमी छावा छत्रपती संभाजी महाराज यांचा इतिहास या विषयावर शिवकन्या समृद्धी अनिल शिंदे यांच्या वतीने व्याख्यानाची सुरुवात करण्यात आली.
सदर व्याख्यानामध्ये शिवकन्या समृध्दी शिंदे यांनी छत्रपती संभाजी महाराज यांच्या जन्मा पासून ते मृत्यूपर्यंत ज्वलंत इतिहास सर्व प्रेक्षकां समोर व्याख्यानां मधून मांडला.
यावेळी प्रभागातील नागरिक मोठ्या संख्येने उपस्थित होते. सदर कार्यक्रम यशस्वी करण्यासाठी संस्थापक बंटी सोनके यांच्या मार्गदर्शनाखाली उमेश माने, निशांत सावळे, सौरभ कनेरी, प्रसाद कवडे, समर्थ पेठकर, अमोल सोनके, अरविंद सोनके, हर्षद भोसले, सुमित सोनके, रितेश सोनके, प्रथमेश माने, यांनी परिश्रम घेतले. सूत्रसंचालन व आभार प्रदर्शन अतुल सोनके यांनी मानले.
