रमाकांत सर्वगोड यांची साईराम रेडिओग्राफर्स असोसिएशनच्या जिल्हाध्यक्ष पदी निवड, बैठकीला जिल्ह्यातील 180 रेडिओग्राफर्स उपस्थित
सोलापूर : प्रतिनिधी
सोलापूर येथील इंद्रप्रस्थ कार्यालय येथे साईराम रेडिओग्राफर्स असोसिएशन महाराष्ट्र (Society of allied imaging and radiographers Association of Maharashtra, SAIRAM) यांच्या अंतर्गत सोलापूर जिल्हा साईराम या संघटनेची बैठक संपन्न झाली.
बैठकीला बार्शीचे जेष्ठ तंत्रज्ञ दिनकर सापनाईकर, घोटाळे सर, अमितसिंह रजपूत व सोलापूरचे सुधीर शिंदे, महाराष्ट्र साईरामचे अध्यक्ष सुनील वायकर, पश्चिम महाराष्ट्राचे विभागीय सचिव सादिक दंडोती हे प्रमुख पाहुणे म्हणून उपस्थित होते.
या बैठकीत क्षकिरण-तंत्रज्ञांच्या सुरक्षा न्याय व हक्क नवीन तंत्रज्ञ यांना नवीन अद्यावत ज्ञान मिळावे त्यांचा फायदा क्षकिरण तंत्रज्ञ यांना व्हावा या हेतूने ही बैठक उपस्थित केली होती .
वैद्यकीय क्षेत्रात क्षकिरण विभाग हा आरोग्य सेवेचा एक महत्त्वाचा कणा आहे. साईराम संघटनेची ध्येय धोरणे सुनील वायकर यांनी सांगितली तसेच सोलापूर जिल्ह्याचे साईराम संघटनेचे नवीन पदाधिकारी म्हणून अध्यक्ष रमाकांत सर्वगोड (सोलापूर), उपाध्यक्ष आनंद भट (सोलापूर) सह उपाध्यक्ष आनंद कुलकर्णी (अकलूज) सचिव सचिन पवार (सोलापूर)
सहसचिव अमितसिंह रजपूत (बार्शी) खजिनदार संतोष जाधव (सोलापूर) सहखजिनदार योगेश मोहिते (सोलापूर) तसेच तज्ञ संचालक मंडळ म्हणून ओमप्रकाश सामल, माजिद महागमी, शेखर गुंड, सुरज भंडी, किरण पल्ली, अमरीश बिज्जा, अमोल तपकिरे, हुसेन पटेल, रिजवान अल्लोली इरफान जमादार, नीता जमादार व शबाना नदाफ यांची सर्वानुमते निवड करण्यात आली.
कार्यक्रमास सोलापूर, अकलूज व बार्शीतील 180 रेडिओग्राफर्स बांधव भगिनींनी सहभाग नोंदवला होता. कार्यक्रम यशस्वी पार पाडण्या करिता रेडियोग्राफर बांधवांनी परिश्रम घेतले, कार्यक्रमाला मार्गदर्शन म्हणून साईराम महाराष्ट्राचे उपाध्यक्ष अमोल दळवी, साईराम महाराष्ट्राचे लेखापाल स्वप्नील गव्हाणे यांनी केले. सूत्र संचालन मिलिंद ठोंबरे यांनी केले आभार प्रदर्शन सचिन पवार व प्रमोद शिरशीकर यांनी केले.
