शंभू प्रेरणा रॅलीने संभाजी आरमारने साजरी केली शंभू जयंती, हजारो शिवशंभू प्रेमी उपस्थित

सोलापूर : प्रतिनिधी

छत्रपती संभाजी महाराजांच्या ३६७ व्या जयंती निमित्त संभाजी आरमारने प्रतिवर्षाप्रमाणे यंदा देखील शंभू प्रेरणा रॅली आयोजित केली होती. छत्रपती शिवाजी महाराज चौक येथून छत्रपती शिवरायांच्या मूर्तीस पुष्पहार अर्पण करून या प्रेरणा रॅलीचा शुभारंभ करण्यात आला. ढोली बाजाच्या गजरात डोक्यावर भगवी टोपी परिधान करून हातात हिंदवी स्वराज्याचा भगवा ध्वज घेऊन संभाजी आरमारचे शेकडो कार्यकर्ते, माता-भगिनी तळपत्या उन्हात या रॅलीत सहभागी झाले होत्या.

छत्रपती शिवाजी महाराज चौक ते छत्रपती संभाजी महाराज चौक या मार्गावरून छत्रपती शिवाजी महाराज – संभाजी महाराजांच्या अखंड जयघोषात जल्लोषात ही रॅली संपन्न झाली. छत्रपती संभाजी महाराज चौक येथे रॅली आल्यानंतर छत्रपती संभाजी महाराजांना मानवंदना देऊन रॅलीचा समारोप करण्यात आला.

छत्रपती संभाजी महाराजांच्या मूर्तीस पुष्पहार अर्पण करून अभिवादन करण्यात आले. छत्रपती संभाजी महाराज हे अखंड हिंदुस्तानचे प्रेरणास्तोत्र असून केवळ रणांगण न गाजवता साहित्य क्षेत्रातदेखील उत्तुंग कामगिरी त्यांनी बजावली आहे. शिवरायांचा आदर्श राज्यकारभार त्यांच्या ९ वर्षाच्या कारकिर्दीत त्यांनी अबाधित राखला. अशा या निर्व्यसनी राजाच्या गुणांची जयंती प्रत्येक घरात साजरी व्हावी अशी भावना संभाजी आरमारचे संस्थापक अध्यक्ष श्रीकांत डांगे यांनी व्यक्त केली.

या प्रेरणा रॅलीमध्ये श्री शिवजन्मोत्सव मध्यवर्ती महामंडळाचे ट्रस्टी अध्यक्ष नानासाहेब काळे, संभाजी आरमारचे कार्याध्यक्ष शिवाजी वाघमोडे, सरचिटणीस गजानन जमदाडे, ऍड. महेश जगताप, जिल्हाप्रमुख अनंतराव नीळ, रयत क्रांती संघटनेचे जिल्हाप्रमुख नामदेव पवार, उद्योजक महेश घोडके, अमोल वेदपाठक, युवासेना शहरप्रमुख अर्जुन शिवसिंगवाले, संभाजी आरमार शहरप्रमुख सागर ढगे,

उपशहरप्रमुख राज जगताप, रेवणसिद्ध कोळी, जिल्हा संघटक अमित कदम, जिल्हाउपप्रमुख राजेश पाटील, प्रमोद जगताप, शिवरॅलीप्रमुख गुरुनाथ निंबाळे, शिवरॅली उपप्रमुख कृष्णात काटे, विभागप्रमुख द्वारकेश बबलादीकर, मल्लिकार्जुन पोतदार, अमित जाधव, स्वप्नील इराबत्ती, रिक्षा संघटना शहर उप प्रमुख सचिन गायकवाड, वाहतूक संघटना शहरप्रमुख अविनाश विटकर, महिला आघाडीच्या रेखा व्हनकडे, मनीषा महाडिक, वर्षा ढगे, प्राजक्ता चव्हाण, पद्मा द्यावानपल्ली, दिव्यांग संघटनेचे वासुदेव होणकोंबडे, राहुल वाघमोडे, अक्षय सिद्राल, रवी वाघमोडे, बाळासाहेब वाघमोडे, रोहित मणसावले, राजू आंबेवाले, अण्णा वाघमोडे आदींसह कार्यकर्ते मोठ्या संख्येने उपस्थित होते.