रिदान ज्वेलर्स व मोहमदीया नात कमिटी विजापूरच्या वतीने सोलापुरात ऐतिहासिक इस्लामिक क्विज़ कॉम्पिटिशन चे आयोजन

सोलापूर : प्रतिनिधी

प्रेषित मोहम्मद (स.) यांच्या स्मरणात यांच्या जयंतीनिमित्त विविध कार्यक्रमाचे आयोजन केले जाते सोलापुरात २०१६ साली माजी नगरसेवक रियाज हुंडेकरी यांच्या विशेष प्रयत्नातून सोलापुरात प्रथमच मोहमदीया नात कमिटी विजापूरच्या वतीने ऐतिहासिक इस्लामिक क्विज़चे यशस्वी आयोजन करण्यात आले होते

या कार्यक्रमाला सोलापुरातील विद्यार्थी व पालकांचा भरभरून प्रतिसाद मिळाला होता. या वर्षी सुद्धा प्रेषित मोहम्मद (स.) यांच्या जयंती निमित्त रिदान ज्वेलर्स व मोहमदीया नात कमिटी विजापूरच्या वतीने ३० सप्टेंबर २०२४ संध्याकाळी ५:०० वाजता सोशल कॉलेज मैदान, किडवाई चौक, सोलापूर येथे इस्लामिक क्विज़ कॉम्पिटिशनचे भव्य दिव्य आयोजन करण्यात आले आहे. या प्रश्न मंजुषा कार्यक्रमात सोलापूर जिल्ह्यातील एकूण 30 उर्दू माध्यमिक शाळांनी सहभाग नोंदविला आहे. विद्यार्थ्यांना आयोजका तर्फे प्रश्नमंजुषा पुस्तक मोफत देण्यात आली आहे. प्रत्येक शाळेतून दोन विद्यार्थी असं एकूण ६० विद्यार्थी क्विज़ मध्ये भाग घेतील.

क्वालिफाइंग राऊंड सह एकूण तीन राऊंड मध्ये मुकाबला घेण्यात येईल. प्रथम, द्वितीय व तृतीय येणाऱ्या विद्यार्थ्यांना प्रत्येकी चार ग्राम, तीन ग्राम व दोन ग्राम सोना व विविध बक्षीस देण्यात येईल व तसेच प्रश्नमंजुषा कार्यक्रमात सामील प्रत्येक विद्यार्थ्याला प्रत्येकी १० ग्राम चांदी, ट्राफी व इतर विशेष बक्षीस देण्यात येईल.

विजापुरातील क्विज़ मास्टर अब्दुल नबी जमादार आपल्या बहारदार शैलीत कार्यक्रमाचे सूत्रसंचालन करतील. यावेळी माजी केंद्रिय मंत्री सुशीलकुमार शिंदे, खासदार प्रणिती शिंदे, एम. राजकुमार, विजय कबाळे, मुफ़्ती सय्यद अमजद अली काजी, मौलाना इब्राहिम कासमी, मौलाना ताहेर बेग, डॉ. इस्माईल शेख, माजी आमदार दिलीप माने, सुधीर खरटमल, महेश कोठे, चेतन नरोटे, हाजी के.बी. नदाफ, हाजी अयुब कुरेशी, मन्सूर दलाल, सय्यद मुस्तफा जहागीरदार, रियाज शेख, मझहर हुसेन पठाण प्रमुख पाहुणे म्हणून उपस्थित राहतील.

सल्लागार समिती सदस्य राजा बागबान, जब्बार शेख, एजाज शेख, गफूर सगरी, हारून बागबान, शोएब बलोलखान, आसिफ इक्बाल व आयोजक रियाज इब्राहिम हुंडेकरी, जाकीर हुंडेकरी, समीर हुंडेकरी, रिजवान हुंडेकरी व नसीर ताजोद्दीन शेख यांनी सदर कार्यक्रमात उपस्थित राहून विद्यार्थ्यांचे मनोबल वाढविण्याचे आवाहन केले आहे. कार्यक्रमाच्या दिवशी पाऊस आला तर कार्यक्रम पुढे नंतर तारीख निश्चित करून घेण्यात येईल.