सोलापूर : प्रतिनिधी
भाजपा व महायुतीचे अधिकृत उमेदवार आमदार राम विठ्ठल सातपुते यांच्या प्रचारार्थ उत्तर प्रदेशचे मुख्यमंत्री योगी आदित्यनाथ यांची पूर्व भागातील अक्कलकोट रोडवरील कर्णिक नगर परिसरातील स्वर्गीय लिंगराज वल्याळ मैदान येथे योगी आदित्यनाथ यांची जाहीर सभा आयोजित करण्यात आली आहे. या सभेसाठी भाजप युवानेते तथा माजी नगरसेवक देवेंद्र कोठे यांनी शक्ती प्रदर्शन करत ढोल ताशाच्या निनादात शेकडो कार्यकर्त्यांसह दाजी पेठ येथील दाजी गणपती मंदिरापासून वल्याळ क्रीडांगण पर्यंत शक्ती प्रदर्शन केले.
यावेळी आमदार राम सातपुते यांच्या धर्मपत्नी सौ संस्कृती सातपुते यांनी विशेष उपस्थिती लावली होती. जय श्रीराम जय जय श्रीराम, जय भवानी जय शिवाजी, छत्रपती शिवाजी महाराज की जय, च्या गजरात मोठं शक्ती प्रदर्शन यावेळी देवेंद्र कोठे यांनी केलं.
पंतप्रधान नरेंद्र मोदी यांच्या सभेवेळी भाजप युवा नेते देवेंद्र कोठे यांनी शहर मध्य आणि प्रभाग क्रमांक सात मधील हजारो कार्यकर्त्यां समवेत सभेत दाखल झाले होते. त्याची चर्चा शहर मध्य मध्ये मोठ्या प्रमाणात रंगल्याचे बोलले जातय.
