इरफान शेख आपण केलेले चुकीचे कृत्य पक्ष विरोधी, आपणास राष्ट्रवादी कॉंग्रेस पक्षातुन बडतर्फ करण्यात आले : प्रमोद भोसले (जनरल सेक्रेटरी, राष्ट्रवादी काँग्रेस पार्टी)
चुक मान्य देखील न करता उलटपक्षी पक्ष आपल्याला नाहक त्रास देतो, असा हा खुलासा देवून स्वतः दोषी असताना पक्षाला दोष देत आहात. दिलेला खुलासा असमाधान कारक व अमान्य : प्रमोद भोसले
सोलापूर: प्रतिनिधी
राष्ट्रवादी अजित पवार गटाचे इरफान शेख यांनी खुलासा दिल्यानंतर पक्षाचे जनरल सेक्रेटरी प्रमोद भोसले यांनी पत्र काढत त्यांना बडतर्फ केले. पत्रातील माहिती जशी आहे तशी, आपण दि.२०/४/२०२४ रोजी केलेला लेखी खुलासा आम्हास प्राप्त झाला असून आपण केलेला लेखी खुलासा असमाधानकारक व अमान्य आहे. राष्ट्रवादीचे राष्ट्रीय अध्यक्ष अजित पवार, प्रदेश अध्यक्ष सुनिल तटकरे, यांनी राष्ट्रवादीच्या सर्व पदाधिकारी कार्यकत्यांनी महायुतीच्या उमेदवाराचा प्रचार करण्याचे सक्त आदेश दिले असताना देखील आपण महाविकास आघाडीच्या उमेदवाराला मतदान करण्याचे सरळ सरळ आवाहन करताना व्हीडीओ मध्ये स्पष्ट दिसत आहे. तरी आपण केलेले कृत्य चुकीचे असल्याने पक्षाची नाहक बदनामी झाली असून तो व्हिडीओ सर्वत्र फिरत असून आपण केलेली ही चुक मान्य देखील करत नसुन उलटपक्षी पक्ष आपल्याला नाहक त्रास देत आहे असा हा खुलासा देवून स्वतः दोषी असताना पक्षाला दोष देत आहात.
त्यामुळे आपण दिलेला खुलासा असमाधान कारक व अमान्य आहे. तो जिल्हाध्यक्ष संतोष पवार, कार्याध्यक्ष जुबेर बागवान यांनी फेटाळून आपल्यावर पक्ष शिस्तभंगाची कारवाई करण्यात येत आहे. इरफान महिबुब शेख आपण केलेले चुकीचे कृत्य पक्ष विरोधी असून आपणास राष्ट्रवादी कॉंग्रेस पक्षातुन बडतर्फ करण्यात येत आहे.
