आंतर जिल्हा घरफोडी करणाऱ्या सराईत गुन्हेगारास शहर गुन्हे शाखेकडून अटक

सोलापूर : प्रतिनिधी

15 जुलै 2024 रोजी, संध्याकाळी 07.00 ते 07.40 वा चे दरम्यान सायली हाईटस, वसंत विहार सोलापुर येथे कोणीही नसल्याचा फायदा घेवुन घराचे कुलूप तोडुन घरातील सोन्याचे दागिने चोरी झाले असलेबाबत यातील फिर्यादी सौ. कुसूम मिश्रा यांनी दिलेल्या तक्रारीवरुन फौजदार चावडी पोलीस स्टेशन, सोलापुर शहर गुरनं. 446/2024, भारतीय न्याय संहिता कलम 331(4),305 प्रमाणे गुन्हा दाखल आहे.

सदरचा गुन्हा उघडकीस आणुन मुद्देमाल हस्तगत करणेबाबत एम राजकुमार, पोलीस आयुक्त, सोलापूर शहर, डॉ दिपाली काळे, पोलीस उप आयुक्त गुन्हे, राजन माने, सहायक पोलीस आयुक्त, गुन्हे, यांनी गुन्हे शाखेचे सर्व अधिकारी व पोलीस अंमलदार यांना मार्गदर्शन केले होते.

त्या अनुषंगाने गुन्हे शाखेकडील सपोनि/विजय पाटील व त्यांचे पथक यांना 20 जुलै 2024 रोजी खात्रीशिर बातमी मिळाली की, एक इसम हा चोरीचे सोन्याचे दागिने विक्री करण्यासाठी मार्केट यार्ड पुढे असलेल्या जनावरांच्या दवाखान्या समोर, हैद्राबाद रोड, सोलापुर येथे थांबला असले बाबत बातमी मिळाली. सदर बातमीची शहानिशा करुन कारवाई करणेकामी सदर ठिकाणी जावुन नमुद इसमास ताब्यात घेवुन त्याचे ताब्यातुन सोन्याच्या बांगडया, सोन्याची चैन व तीन अंगठया असे एकुण 53 ग्रॅम वजनाचे सोन्याचे दागिणे एकुण 1,71,000/- रुपये किमतीचे सोन्याचे दागिणे हरतगत करण्यात आले. सदर घरफोडी करणारा इसम नामे सुखदेव ऊर्फ बंडू हणमंत नाईक, वय 26 वर्ष, रा.मु. खोराडी वस्ती, पोस्ट- आरग, ता. मिरज, जि. सांगली यास ताब्यात घेण्यात आले आले.

सदरची कामगिरी एम राजकुमार, पोलीस आयुक्त, सोलापूर शहर, डॉ दिपाली काळे, पोलीस उप- आयुक्त गुन्हे, राजन माने, सहायक पोलीस आयुक्त, गुन्हे, सुनिल दोरगे, वरिष्ठ पोलीस निरीक्षक, गुन्हे यांचे मार्गदर्शनाखाली, सपोनि विजय पाटील व पोलीस अंमलदार – राहुल तोगे, आबाजी सावळे, अजिंक्य माने, धिरज सातपुते, विठठल यलमार, प्रविण शेळकंदे, वसिम शेख, शांतीसागर जेनुरे तसेच सायबर पोलीस ठाणेकडील प्रकाश गायकवाड व मच्छिद्र राठोड यांनी केली आहे.