महविकास आघाडीचा मुख्यमंत्री होणार, भाजपला जनमत नाही, EVM बाबत शंका : प्रणिती शिंदे
सोलापूर : प्रतिनिधी
काँग्रेसच्या आमदार प्रणिती शिंदें सोमवारी सकाळी सोलापुरात दाखल झाल्या आहेत. लोकसभेच्या उमेदवार प्रणिती शिंदे मतदानानंतर अनेक दिवस मुंबईत होत्या. सोलापुरात आल्या बरोबर प्रणिती शिंदेंनी माध्यमांसमोर माहिती देताना ईव्हीएम बाबत भीती व्यक्त केली.
आम्ही लोकसभेचा सर्वे पहिला आहे, भाजपने देखील जनमताच सर्वे बघितला आहे. भाजपला जनमत नाही म्हणून पंतप्रधानाच्या भाषणात जातीय ध्रुवीकरण झालेले दिसत आहे, मोदींच्या भाषणाची पातळी घसरली, लोक भाजपला वैतागलेत लोकांना काम हवंय अशी टीका करत प्रणिती शिंदेंनी थेट भाजपवर हल्लाबोल चढवलाय. भाजपकडे फक्त ईव्हीएम पर्याय उरलाय म्हणून लोकांना भीती वाटते लोक सतर्क झालेत असे प्रणिती शिंदे म्हणाल्या.
लोकसभेचा निकाल कोणाच्या बाजूने लागेल या प्रश्नावर प्रणिती शिंदेंनी इंडिया आघाडी खासदारकीच्या जास्त जागा जिंकेल असा अंदाज मांडला आहे. इतकेच नव्हे तर आगामी विधानसभेत सुद्धा महाविकास आघाडीकडे सर्वाधिक आमदार असतील आणि महाविकास आघाडीचा राज्यात मुख्यमंत्री होईल असा विश्वास प्रणिती शिंदेंनी बोलून दाखवला.
