सोलापूर शहर श्री आदि जांबमुनी मोची समाज काँग्रेस प्रेमी पदाधिकारी व कार्यकर्ताचे सामुहिक राजीनामा देणार
सोलापूर : प्रतिनिधी
सोलापूर शहरामध्ये काँग्रेस पक्षाचा एकनिष्ठ समाज हा काँग्रेसच्या पाठीशी कायम राहणारा जवळपास मोची समाजाचे लोकसंख्या सोलापूर शहरात व जिल्ह्यात एक लाखाहून अधिक आहे. शहर मध्य हा मतदार संघ काँग्रेस पक्षाचे बाले किल्ले असून सदर मतदार संघामध्ये मोची समाजाचे एकूण मतदार ५० हजारहून अधिक आहेत. यापूर्वी २०१९ मध्ये काही मोची समाजाच्या पक्षाकडून मागणी असतांना आपण काँग्रेस पक्षाने मोची समाजाला शब्द दिला होता. असे असतांना यंदा समाजाच्या वतीने माजी महापौर संजय हेमगड्डी, माजी सभागृह नेता देवेंद्र भंडारे, माजी युवक काँग्रेस अध्यक्ष अंबादास (बाबा) करगुळे यांना काँग्रेस पक्षाकडून उमेदवारी मागणी केले असतांना आजतागायत पक्षाने कोणताही विचार न करता, जर मोची समाजाचे उमेदवार घोषणा नाही केल्यास मोची समाजाचे सर्व काँग्रेस पदाधिकारी राजीनामा देण्यात येईल याची नोंद घ्यावी अशी माहिती पत्रकार परिषदेच्या माध्यमातून संजय हेमगड्डी, देवेंद्र भंडारे, बाबा करगुळे यांनी दिली.
शहर मध्य मध्ये सन २०१४ व २०१९ साली खासदार प्रणिती शिंदे यांना आमदार करण्यात आमचा सिंहाचा वाटा होता. त्याचा देखील विचार करुन मोची समाजाला यंदाही वेळी उमेदवार काँग्रेस पक्षाकडूनच घोषीत करावी ही विनंती.
राजीनामा देत असलेले काँग्रेस पदाधिकारी संजय हेमगड्डी, नरसिंह आसादे, देवेंद्र भंडारे, अंबादास करगुळे, हनुमंत सायबोळू, बसवराज म्हेत्रे, नागराज कासलोलकर, दिनेश म्हेत्रे, बाबुराव म्हेत्रे, नागेश म्हेत्रे, बाबू विटे यांच्यासह शेकडो पदाधिकारी राजीनामा देतील अशी माहिती पदाधिकाऱ्यांनी दिली.
