वीज पडून मृत्यूमुखी पडलेल्यां कुटुंबाच्या मदतीला धावल्या प्रणितीताई, शासकीय मदत मिळवून देणार

सोलापूर : प्रतिनिधी

11 जून 2024 रोजी खासदार प्रणिती शिंदे यांनी 7 जून 2024 रोजी झालेल्या पावसामध्ये वीज पडून मृत्यू झालेल्या कुटुंबियांची भेट घेऊन सांत्वन केले.

7 जून 2024 रोजी झालेल्या पावसामध्ये बेळ्ळनी बानेपा पुजारी, रा. कुंभारी, ता. दक्षिण सोलापूर व आमसिध्द अमृत गायकवाड रा. गुर्देहळ्ळी, ता. दक्षिण सोलापूर हे वीज पडून मृत्यूमुखी पडले होते. त्या दोघांच्या घरी खासदार प्रणिती शिंदे यांनी कुटुंबियांची भेट घेऊन सांत्वन केले.

त्यांच्या कुटुंबियांस शासकीय मदत मिळवून देण्याकरिता संपूर्ण सहकार्य करण्याचे आश्वासन दिले. यावेळी श्रीशैल जडगे, महादेव गायकवाड यासोबत दोन्ही गावातील ग्रामस्थ उपस्थित होते.