सोलापुरातील ५ विधानसभा मतदारसंघ शिवसेनेला द्यावे, मुख्यमंत्री एकनाथ शिंदे यांच्याकडे करणार मागणी.

सोलापूर : प्रतिनिधी

महाराष्ट्रातील लोकसभेच्या निवडणुका झाल्या आणि आता सर्वजण विधानसभा निवडणुकीच्या तयारीला लागले. महाराष्ट्रातील जनतेचा कौल लोकसभा निवडणुकीत सर्वच राजकीय पक्षांन पाहिला, येणाऱ्या विधानसभा मतदारसंघात आपल्याच पक्षाचे जास्तीत जास्त आमदार निवडून यावेत यासाठी विविध पक्षाकडून प्रयत्न देखील सुरू केले. सोलापूर लोकसभा मतदार संघात महाविकास आघाडीच्या उमेदवार प्रणिती शिंदे निवडून आल्या परंतु काही विधानसभा मतदारसंघात भाजप महायुतीची ताकद दिसली. यातील पाच विधानसभा मतदारसंघ मुख्यमंत्री एकनाथ शिंदे यांच्या शिवसेनेला मिळाव्यात तेथे आम्ही आमचे आमदार सर्वाधिक लीड ने निवडून आणू असा दावा शिवसेना शिंदे गटाचे जिल्हाप्रमुख मनिष काळजे यांनी केला.

यावेळी बोलताना त्यांनी सोलापूर शहर मध्य, दक्षिण, मोहोळ, करमाळा, सांगोला या मतदारसंघाची मागणी करत या मतदारसंघात शिवसेना शिंदे गटाची असणाऱ्या ताकतीची माहिती दिली. शहर मध्य विधानसभा मतदारसंघ हा पूर्वी शहर दक्षिण म्हणून ओळखला जायचा त्यावेळेस पासून ही युतीमध्ये जागा ही शिवसेनेकडेच आहे. आणि शिवसेनेचे आमदार शिवशरण पाटील हे त्या ठिकाणी विधानसभेचे आमदार म्हणून निवडून गेलेले आहेत. या मतदार संघांमध्ये शिवसैनिक आणि शिवसेनेला मानणारा मोठ्या प्रमाणात कार्यकर्ता आणि मतदार वर्ग आहे. शिवसेनेच्या जेव्हा निवडणुका लढवलेले आहेत त्यावेळेस अतिशय चांगल्या पद्धतीने मतदान हे शिवसेनेला झालेले आहे. या भागात लोकसभा निवडणुकी च्या पार्श्वभूमीवर तीन टर्म प्रतिनिधित्व करत होते त्यांना फक्त 700 चा लीड आलेला परंतु जरी यावेळेस आपण लक्ष देत असलो तरी या अगोदरचे काही गोष्टी लक्षात घेतल्या पाहिजे. 2019 च्या लोकसभेला त्यांचे वडील सुशील कुमार चे निवडणूक लढवत होते आणि त्यावेळेस 37 हजारांचा लीड, 2014 देखिल इथे महायुतीला लीड आहे. आजपर्यंत लोकसभेला शहर मध्य हा मतदारसंघ जेव्हापासून ते काँग्रेसचे आमदार आहेत त्यापासून मतदार महायुती सोबत राहिलेला आहे.

सोलापूर लोकसभा मतदारसंघात महायुतीची ताकद वाढली असून 11 विधानसभा मतदारसंघांपैकी पाच विधानसभा मतदारसंघात शिवसेना शिंदे गटाची ताकद आहे त्यात वाढ झाली आहे. मुख्यमंत्री एकनाथ शिंदे यांच्या शिवसेनेला सोलापूर शहर मध्य, दक्षिण, मोहोळ, करमाळा, सांगोला पाची विधानसभा मतदारसंघ मिळाव्यात. सांगोला विधानसभा मतदारसंघात सध्या शिवसेना शिंदे गटाचे विद्यमान आमदार शहाजी पाटील हे असून करमाळ्यात पूर्वी नारायण पाटील, मोहोळ विधानसभेत काही मतांच्या फरकाने आणि आमच्याच पक्षातील अपक्ष उमेदवारामुळे हे शीट आमच्या हातून गेले, दक्षिण मध्ये रतिकांत पाटील हे पूर्वी आमदार होते आणि शहर मध्य मध्ये शिवसेना शिंदे गटाची वाढलेली ताकद पाहता हा मतदारसंघ मुख्यमंत्री एकनाथ शिंदे यांच्याकडे मागणी करणार असल्याची माहिती सोलापूर शिवसेना शिंदे गटाचे जिल्हाप्रमुख मनिष काळजे यांनी दिली.