आडम मास्तर शरद पवारांच्या राष्ट्रवादी कार्यालयात भेटीला, तोफिक पैलवान म्हणाले शहर मध्यवर आमचाही दावा
सोलापूर : प्रतिनिधी
आगामी विधानसभा निवडणुकीच्या दृष्टिकोनातून सध्या सोलापूर शहर मध्य विधानसभेमध्ये चुरस पाहायला मिळते, इच्छुकांची संख्या मोठ्या प्रमाणात वाढत आहे प्रत्येक पक्षांमध्ये दोन ते तीन जण इच्छुक आहेत. माजी आमदार नरसय्या आडम हे देखील प्रयत्न करताना दिसून येत आहेत आडम मास्तर यांनी राष्ट्रवादीचे सर्वेसर्वा शरद पवार, माजी केंद्रीय गृहमंत्री सुशीलकुमार शिंदे, काँग्रेसचे प्रदेशाध्यक्ष नाना पटोले यांची भेट घेऊन शहर मध्यची जागा माकपला सोडावी अशी मागणी केली.
माजी आमदार नरसय्या आडम हे आज शरद पवारांच्या राष्ट्रवादी सोलापूर शहर कार्यालयास सदिच्छा भेट देण्यासाठी आले होते. यावेळी शहराध्यक्ष सुधीर खरटमल, तौफिक शेख, प्रमोद गायकवाड यांच्यासह पदाधिकाऱ्यांच्या हस्ते त्यांचा सत्कार करण्यात आला. यानंतर मास्तरांनी शहर मध्य ची जागा माकपला सोडावी या मागणीचे निवेदन शहराध्यक्ष खरटमल यांना दिले.
यावेळी शरद पवारांच्या राष्ट्रवादीचे नेते तौफिक शेख आणि प्रमोद गायकवाड यांनी आम्हीही शहर मध्य मधून दावेदार आहोत आम्हीही पक्षाकडे मागणी केली आहे असा लागलीच खुलासा केला. यावर आडम मास्तर म्हणाले, लोकशाही आहे प्रत्येकाला उमेदवारी मागण्याचा अधिकार आहे. शरदचंद्र पवार जे ठरवतील ते आपल्याला मान्य करून एक मनाने, एकमताने काम करायचे आहे.
आडम मास्तर राष्ट्रवादीच्या कार्यातून बाहेर पडताना माजी महापौर महेश कोठे यांची भेट झाली यावेळी त्यांच्यात दिलखुलास गप्पा झाल्या.
यावेळी राष्ट्रवादी काँग्रेस पार्टीचे शहराध्यक्ष सुधीर खरटमल, तोफिक शेख, प्रमोद गायकवाड, माजी अध्यक्ष मनोहर सपाटे, भारत जाधव, शंकर जाधव, महिला आघाडी अध्यक्ष सुनिता रोटे, माजी महापौर नलिनी चंदेले, माकप चे MH शेख, युसुफ मेजर, नलिनी कलबुर्गी, सेवादल अध्यक्ष चंद्रकांत पवार, युवती अध्यक्ष प्रतिक्षा चव्हाण, जावेद शिकलकर, संजय जाबा, यांच्यासह राष्ट्रवादी आणि माकपचे पदाधिकारी कार्यकर्ते उपस्थित होते.
