मुख्यमंत्र्यांचे निकटवर्तीय मनीष काळजे यांच्यावर गुन्हा दाखल, पैसे मागून मारहाण केल्याचे कानडे यांनी सांगितले

सोलापूर : प्रतिनिधी

आकाश कानडे यांनी घडलेल्या घटनेची हकीकत सांगितली ती पुढील प्रमाणे, सोलापुर महानगरपालिके तील निघणारे वेगवेगळया कामांचे निवीदा भरुन कामे मिळवुन ठेकेदार म्हणुन कामे करतो. सध्या एमआयडीसी हद्दीमध्ये ड्रेनज लाईनचे टेंडर सोलापुर महानगर पालिके कडुन निघालेले होते, माझेसह इतर ५ जणांनी सदरचे टेंडर भरलेले होते. सदर ड्रेनेजचे टेंडिंगचे कामावर सोलापुर महानगरपालिकेचे दिपक रामचंद्र कुंभार या इंजिनिअरची देखरेख आहे.

०१ जुलै २०२४ रोजी सकाळी ११:३० वा. चे सुमारास इंजिनिअर दिपक रामचंद्र कुंभार हे मला मनिष काळजे यांचे सात रस्ता येथील ऑफिस मध्ये घेवुन गेले. तेथे मनिष काळजे हा मला “एमआयडीसी अक्कलकोट रोड सोलापुर येथील ड्रेनेज कामाची भरलेली निवीदा मागे घे, किंवा सदर कामाची वर्क ऑर्डर ७६ लाख रुपये असून, त्याचे १५ टक्के प्रमाणे ११ लाख रुपये तुला मला दयावे लागतील” असे म्हणाला. मी त्यास नकार दिला, तेव्हा त्यांने मल्ला दमदाटी व शिवीगाळ करुन तुला काम कसे मिळतो ते पाहतो, तुला मी अधिकाऱ्यांना सांगुन डिस्क्वालिफाईड करणार अशी दमदाटी केली. त्यानंतर मी तेथुन निघुन आलो.

०२ जुलै २०२४ रोजी दुपारी १२:०० वा. चे सुमारास मी महानगरपालिका कनिष्ठ अभियंता दिपक कुंभार यांचे समवेत सोलापुर महानगर पालिका येथे त्यांचे विभागाचे सहायक अभियंता रामचंद्र पेंटर यांचेकडे एमआयडीसी सोलापुर येथील वर्क ऑर्डरची निवीदा मंजुर झाली अगर कसे ? हे पाहण्यासाठी गेलो असताना, तेथे मनिष काळजे सोबत असणारा इसम राजेंद्र कांबळे हा तेथे हजर होता. त्यांने मनिष काळजे यांना मी येथे आल्याचे फोन करुन सांगितले.

त्यावरुन मनिष काळजे व त्याचा ड्रायव्हर व एक अनोळखी साथीदार असे तेथे आले त्यावेळी तो माझेशी, पेंटर साहेब तसेच कुंभार साहेब यांचेशी कामा बाबतीत चर्चा करु लागला. चर्चे दरम्यान मी त्यांचे ऐकत नाही याचा राग येवुन त्यांने मला दोन्ही हातांने माझे तोंडावर चापटा मारल्या त्यावेळी दिपक कुंभार यांनी मनिष काळजे यास ऑफिसमध्ये काही करु नका असे म्हणुन बाजुला केले. त्यानंतर मनिष काळजे यांस तु MIDC चे ड्रेनेजची निवीदा काढुन घे किंवा प्रोटोकॉल प्रमाणे मला दे” असे म्हणुन तुला अख्ख्या सोलापुरात राहु देत नाही अशी धमकी दिली. मी त्यास पुन्हा नकार दिला असता, मनिष काळजे यांने व त्याचे सोबतच्यां ड्रायव्हरने मला शिवीगाळी करुन हातांने व लाथा बुक्क्यांने मारहाण केली, म्हणुन त्यांचे विरुद माझी तक्रार आहे. अशी माहिती देत खंडणी आणि मारहाणीची तक्रार दिली असून गुन्हा देखील दाखल झाला आहे अशी माहिती आकाश कानडे यांनी दिली.