आस्थाची नागपंचमी निराधार ज्येष्ठ, महिला, बेघर कुष्ठरोगीं महिलांसोबत आणि बार्शी येथील क्रांती महिला संघ, स्मशान मध्ये काम करणारे महिला अनाथ मुलींसोबत साजरी
सोलापूर : प्रतिनिधी
श्रावण महिना पवित्र व व्रत वैकल्याचा मानला जातो तसेच विविध सणानिमित्य आणखी ही उत्सुकता वाढते त्यातल्या त्यात नागपंचमी हा मुलींचा, महिला वर्गाचा आवडता सण. आदल्या दिवशी उपवास करुन भगवान शिवाचे लाडके वासुकी अर्थात नागदेवताचे पुजन उपवास करुन भावाला, कुटुंबाला सौख्य मागणा-या माता भगिनींचा हा सण शृंगाराशिवाय अपुर्णच.
जिथे प्रत्येक घराघरात मेंहेंदी कोन, बांगडी, टिकली, नेलपेंट, मोतीची माळ, हेअरबँड पिना, काजळ, हात रुमाल, हयांच्या समावेश असतोच असतो परंतु आजही समाजात असे काही महिला वर्ग आहेत ज्यांना हया पासुन वंचित राहाव लागत असते.
अश्या वःचितांसाठीच आस्था फाऊंडेशन संचलित आस्था रोटी बँकेतर्फे विविध उपक्रम राबविले जातात यातील हा एक जिव्हाळ्याचे नियोजन सण नागपंचमी सोलापुरातील बेघर निवारा केंद्र व मंगलदृष्टी निराधार महिला आश्रम, क्रांती महिला संघ एचआयव्ही संघटना, अनाथ मुलींना, तसेच स्मशान काम करणारे महिलांना, कुष्ठरोग पिडीत महिलांकरिता शृंगार किट त्यात मेहेंदी कोन, नेलपेंट, टिकली, माळ, क्लच, बांगडी, काजळ, हात रुमाल, आदिंचा समावेश होता तसेच मिठाई वाटप ही करण्यात आले. एक आगळेवेगळे नियोजन करण्यात यश एकच वेळी सोलापुरातील ६ वेगवेगळ्या ठिकाणी शृंगारकिट वाटप केले.
बार्शीतल्या एच आय व्ही पिडीत महिला ज्यांनी देहविक्री करून उदरनिर्वाहसाठी केलेल्या पिडितांसाठी तसेच सात रस्त्यावरिल वृध्दा श्रमातील ज्येष्ठ महिलांना शृंगार किट व मिठाई वाटप करण्यात आले हया सर्वांचे नियोजन विजय छंचुरे यांनी केले तर त्यांच्या महिला सभासदांनी त्यास उस्फुर्त प्रतिसाद दिला.
आस्था फाउंडेशन आस्था रोटी बँकेचे टीम नीलिमा हिरेमठ, छाया गंगणे, स्नेहा वनकुद्रे, कांचन हिरेमठ, स्नेहा मेहता, विद्या माने, नीता अकुर्डे, संगीता छंचुरे, अनिता तालीकोटी, कल्पना कांबोज, सुरेखा पाटील, सुवर्णा पाटील, मंगल पांढरे, ज्योत्स्ना सोलापूरकर, रेणुका जाधव, संपदा जोशी, पुष्कर पुकाळे, अविनाश माचरला, विजय छंचुरे या सर्व जणांची उपस्थितीत नागपंचमी सण साजरा करण्यात आले आहे.
