पालिका कर थकबाकी पोटी 2 प्रशालांचे मुख्याध्यापक कक्ष व कार्यालय करण्यात आले सील
सोलापूर : प्रतिनिधी
सोलापूर महानगरपालिकेचे आयुक्त शीतल तेली – उगले यांच्या आदेशाने व उपायुक्त आशिष लोकरे यांच्या मार्गदर्शनाखाली 06 सप्टेंबर 2024 रोजी मालमत्ता कर विभागाकडील वसुली मोहिमे अंतर्गत विजापूर रोड, नेहरुनगर येथील मिळकत क्रमांक 301084 पोस्ट बेसिक आश्रम शाळा याची माहे सप्टेंबर 2023 अखेर पर्यंतची थकबाकी र. रु. 2,11,704/- व मिळकत क्रमांक 301228 प्राथमिक गांधी आश्रम शाळा नेहरूनगर यांची रक्कम 4,60,886/- इतक्या थकबाकी पोटी दोनही प्रशालांचे मुख्याध्यापक कक्ष व कार्यालय सील करण्यात आले आहे.
सोलापूर शहरातील सर्व थकबाकीदार मिळकतदारांना कळविण्यात येते की, मिळकतदार यांनी त्यांच्या मालमत्ता कराची थकबाकीची रक्कम भरुन महानगरपालिकेस सहकार्य करावे अन्यथा ज्या मिळकतदारानी मालमत्ता कराची रक्कम भरणार नाही अशा मिळकतदारांची स्थावर मालमत्ता सील करण्यात येईल.
