डॉ. संजीव ठाकूर यांनी करून दाखवले, MRI मशिन कार्यान्वीत, छत्रपती शिवाजी महाराज सर्वोपचार रुग्णालयात रुग्णाची सोय
सोलापूर : प्रतिनिधी
डॉ.वै. स्मृ.शा.वै. महाविद्यालय व श्री.छ. शिवाजी महाराज सर्वोपचार रुग्णालय, सोलापूर येथे सोलापूर जिल्हयातील तसेच शेजारील जिल्हे व राज्यातील रुग्ण उपचाराकरिता येत असतात यातील काही रुग्णांना MRI तपासणी करणे आवश्यक असते. परंतू मागील ०४ महिन्यांपासून रुग्णालयातील MRI मशिन बंद होती. सदरच्या मशिनचे आयुष्यमान १० वर्षे इतके पूर्ण झाल्यामुळे मशिन बंद अवस्थेत होती. सुरुवातील सदर मशिनच्या कंपनीने पार्ट उपलब्ध करुन देण्यात असमर्थता दर्शविण्यात आली होती. परंतू नवीन मशिन उपलब्ध होईपर्यंत रुग्णांची गैरसोय होऊ नये याकरिता सदरची MRI मशिन अधिष्ठाता डॉ. संजीव ठाकूर व एस.एम. जाधव, प्रशासकीय अधिकारी यांच्या प्रयत्नातून जर्मनी देशामधून मशिनचे पार्ट मागवून सदर MRI मशिन दुरुस्त करुन घेण्यात आलेली आहे.
सदर मशिनचे पार्ट डॉ.वै.स्मृ.शा.वै. महाविद्यालय, या रुग्णालयामध्ये सरासरी महिना ४०० रुग्णांचे MRI केले जातात. सदर मशिन कार्यान्वीत झाल्यामुळे गोर-गरीब रुग्णांना याचा मोठ्या प्रमाणावर लाभ होईल. अशी माहिती अधिष्ठाता डॉ. संजीव ठाकूर यांनी दिली.
अनेक वर्षापासून छत्रपती शिवाजी महाराज सर्वोच्च रुग्णालयातील एमआरआय मशीन बंद होती. ती होण्यासाठी प्रयत्न झाले परंतु कोणालाही यश आले नाही अखेर डॉ संजीव ठाकूर यांनी बोलून नाही तर करून दाखवले ही चर्चा रुग्णालयात सुरू होती.
त्यांनी स्वतः लक्ष देऊन पाठपुरावा करून अखेर नवीन एमआरआय मशीन येण्यापूर्वी ही मशीन सुरू करून रुग्णांची सोय केली याबद्दल रुग्णांच्या नातेवाईकांनी त्यांचे आभार मानत त्यांच्या पुढील कार्यास शुभेच्छा देखील दिल्या.
