साहेबांचा आदेश उत्तरला महेश याची सर्वत्र चर्चा, दहा वर्षात सोलापूर शहर स्मार्ट झाले का? जयंत पाटील यांचा सवाल
सोलापूर : प्रतिनिधी
सोलापूर उत्तर विधानसभा मतदारसंघाचे राष्ट्रवादी काँग्रेस शरदचंद्र पवार पक्षाचे अधिकृत उमेदवार महेश कोठे यांच्या प्रचारार्थ जयंत पाटील यांनी लोकांशी संवाद साधला. महाराष्ट्रातील अनेक मतदारसंघात जाऊन मला शंभर टक्के खात्री पटली आहे की, लोकं महाविकास आघाडीच्या बाजूने आहेत आणि राज्यात महाविकास आघाडीचेच सरकार येणार, असा विश्वास जयंत पाटील यांनी व्यक्त केला.
१० वर्षात झाले का आपले शहर स्मार्ट झाले का ? युवकांना रोजगार मिळाला का? दिलेली आश्वासने पूर्ण झालीत का? यांसारख्या अनेक शहर उत्तरच्या ज्वलंत मुद्द्यांवर प्रकाश टाकला व आपली सभा या क्रांती चौकातून होत आहे. याच चौकातून जिल्ह्यात ब्रिटिशांविरुद्ध आंदोलन पुकारले गेले होते. याच क्रांती चौकातून शहर उत्तराच्या नवं विकासासाठी क्रांती घडवण्याची संधी आपल्याला मिळाली आहे. तेव्हा महेश कोठे सारखा दूरदृष्टी असणारा, नगरपालिकेचा अनुभव असणारा माणूस प्रचंड मतांनी विजयी करून विधानसभेत पाठवा, असे आवाहन केले.
