“24 ऑगस्ट सोलापूर बंद” महाविकास आघाडी च्या वतीने बदलापूर घटनेच्या निषेधार्थ 24 ऑगस्ट महाराष्ट्र बंदची दिली हाक
सोलापूर : प्रतिनिधी
बदलापूर येथील लहान मुलींवर तसेच राज्यात मोठया प्रमाणावर महिला अत्याचार सुरू आहेत. महायुती सरकारचे लक्ष नाही या असवेंदनशील सरकार विरूध्दात महाविकास आघाडीच्या वतीने शनिवार 24 ऑगस्ट 2024 रोजी महाराष्ट्र बंद मध्ये सर्व नागरिकांना या बंद मध्ये सहभागी होऊन सहकार्य करावे.
ठाणे जिल्हयातील बदलापूर येथील आदर्श विदया मंदिरात शिकणाऱ्या चार वर्षाच्या दोन मुलीवर शाळेतील एका नराधम कर्मचाऱ्याने लैंगिक अत्याचार केल्याची संतापजनक घटना घडली आहे या मानवी कृत्य विरोधात राज्यभरात मोठया प्रमाणात संतापाचे लाठ उसळली आहे. ज्या शाळेत हे अत्याचार झाले ती शाळा भाजप आणि राष्ट्रीय स्वंयसेवक संघाशी संबधित लोंकाची आहे. सत्ताधारी लोंकाशी संबधित लोक यामध्ये सहभागी असल्याने पोलिस प्रशासनाने हे प्रकरण दडपण्याचा प्रयत्न केला. पिडीत मुलीच्या आईच्या तक्रार दाखल करून घेण्याऐवजी पोलिसाना त्या गरोदर मातेला अकरा तास पोलिस स्टेशनला बसवून ठेवले ते पोलिस आणि सरकारच्या गलथान कारभाराचे आणि असंवेदनशीलचा ज्वलंत उदाहरण आहे. राज्याच्या मुख्यमंत्री महोदयाचा जिल्हयातच माता- भगिनी, महिला सुरक्षित नाहीत. तर राज्यातील इतर भागात कायदा व सुव्यवस्था कशी असेल असा प्रश्न निर्माण झाला आहे.
दिनांक 20 ऑगस्ट रोजी या घटनेच्या विरोधात संतप्त नागरिकानी मोठ्या प्रमाणात बदलापूर मध्ये आदोंलन करून रेल रोको केला पण सरकाराकडून मात्र हे प्रकरण दाबण्याचा प्रयत्न केला मात्र स्थानिक नागरीकांनी हे प्रकरण लावून धरल्याने सरकारला नाईलाजाने कारवाई सुरूवात करावी लागली.
राज्यभरात मोठ्या प्रमाणात महिला आणि मुलीवर अत्याचार सुरू आहे सरकार आणि पोलिसाचा गुन्हेगारवर वचक राहिलेले नाही. महिला मुलींना सुरक्षित वातावरण देण्यात सरकार पूर्णपणे अपयशी ठरले आहे. बदलापूरचा या घटनेने संपूर्ण महाराष्ट्र हादरलेला आहे.
तरी सोलापूर शहरातील नागरिक बंधू-भगिनीं नी व व्यापारी दुकानदारने बंद मध्ये सहभागी होऊन सहकार्य करावे तसेच महाविकास आघाडीच्या सर्व पदाधिकारी कार्यकर्ताने बंद यशस्वी करण्यास सहकार्य करावे. असे आवाहन सोलापूर शहर महाविकास आघाडी पदाधिकारी यांनी पत्रकार परिषदेत दिली.
यावेळी माजी आमदार नरसय्या आडम, काँग्रेसचे अध्यक्ष चेतन नरोटे, शिवसेनेचे जिल्हाप्रमुख अजय दासरी, शिवसेना शहरप्रमुख दत्तात्रय वानकर, माजी महापौर अँड यु एन बेरीया,जिल्हा उपप्रमुख प्रताप चव्हाण, रेवन पुराणिक हे पत्रकार परिषदेस उपस्थित होते.
