राष्ट्रवादी काँग्रेस पार्टी महिला आघाडीने बांधल्या पोलीस बांधव व अग्निशामक दल अधिकारी कर्मचाऱ्यांना राख्या

सोलापूर : प्रतिनिधी

राष्ट्रवादी काँग्रेस पार्टीचे राष्ट्रीय अध्यक्ष तथा उपमुख्यमंत्री अजित पवार, प्रदेशाध्यक्ष खासदार सुनील तटकरे यांच्या आदेशान्वये तसेच महिला आघाडी प्रदेशाध्यक्ष तथा राज्य महिला आयोग अध्यक्ष रूपाली चाकणकर, सोलापूर निरीक्षक दिपाली पांढरे मार्गदर्शनानुसार तसेच

जिल्हाध्यक्ष संतोष पवार व कार्याध्यक्ष जुबेर बागवान यांच्या नेतृत्वात राखी पौर्णिमेनिमित्त शहरात राष्ट्रवादी काँग्रेस पार्टी महिला आघाडीच्या वतीने फौजदार चावडी पोलीस ठाणे येथील अधिकारी, कर्मचारी तसेच अग्निशमन विभाग येथील अधिकारी, कर्मचारी यांना रक्षाबंधन निमित्त राख्या बांधून औक्षण करून रक्षाबंधन निमित्त शुभेच्छा देण्यात आल्या.

याप्रसंगी महिला आघाडी अध्यक्ष संगीता जोगधनकर, युवती अध्यक्ष किरण माशाळकर, प्रदेश उपाध्यक्ष महिला आघाडी सायरा शेख, महिला आघाडी प्रदेश सचिव लता ढेरे, फौजदार चावडी पोलीस ठाण्याची वरिष्ठ पोलीस निरीक्षक दिलीप शिंदे, वाहतूक सेल विभाग अध्यक्ष इरफान शेख, पोलीस कर्मचारी रुपनर, हसापुरे, कर्चे, गायकवाड, कसबे महिला आघाडी मधील शोभा गायकवाड, सरोजिनी जाधव, सुरेखा घाडगे, लक्ष्मी पवार, मीना जाधव उपस्थित होते.

या स्तुत्य उपक्रमाच फौजदार चावडी पोलीस ठाण्याचे वरिष्ठ पोलीस निरिक्षक दिलीप शिंदे यांनी विशेष कौतुक करत हा आदर्श प्रत्येक राजकीय पक्षाने सामाजिक संघटनांनी पुढाकार घेऊन करावा यातून समाज प्रबोधन होते असं मत व्यक्त केले.

तर महिला आघाडी शहराध्यक्ष संगीता जोगधनकर यांनी कार्यक्रमाची रूपरेषा सांगितली. कार्यक्रमाचे आभार प्रदर्शन युवती अध्यक्ष किरण माशाळकर यांनी केले.