शहर मध्य विधानसभा मतदारसंघात भाजप सदस्यता नोंदणीला तरुणांचा उत्स्फूर्त प्रतिसाद, भाजयुमोचा पुढाकार
सोलापूर : प्रतिनिधी
भारतीय जनता युवा मोर्चा वतीने शहर मध्य विधानसभा मतदारसंघात संघटन पर्व अंतर्गत भाजयुमो प्रदेशाध्यक्ष अनुप मोरे यांच्या सूचने नुसार शहर मध्य विधानसभेचे आमदार देवेंद्र कोठे यांच्या नेतृत्वाखाली व शहराध्यक्ष नरेंद्र काळे यांच्या मार्गदर्शनाखाली सदस्यता अभियान वालचंद महाविद्यालय येथे घेण्यात आले.
याप्रसंगी महाविद्यालयीन तरुणांनी सदस्यता अभियानात उत्साहाने सक्रिय सहभाग नोंदवला तरुणांसाठी प्रधानमंत्री नरेंद्र मोदी व देवेंद्र फडणवीसानी आणलेल्या योजनांचा लाभ घेण्याची विनंती याप्रसंगी सदस्यता अभियानात तरुणांना केली.
या अभियानात भाजयुमो प्रदेश सचिव अक्षय अंजिखाने, गणेश साखरे, भाजयुमो शहर मध्य मंडल अध्यक्ष विश्वनाथ प्याटी, पश्चिम मंडल अध्यक्ष रोहन मराठे, सचिव ओंकार होमकर, बाबुराव क्षीरसागर, गणेश पवार, विकास धायफुले व पदाधिकारी उपस्थित होते.
