सहा जानेवारी पत्रकार दिनानिमित्त वैद्य, नल्लामंदू, मठपती यांच्या स्मरणार्थ दिले जाणारे “आदर्श पत्रकार पुरस्कार २०२५” जाहिर
सोलापूर : प्रतिनिधी
हीरक महोत्सव साजरा करणाऱ्या सोलापूर जिल्हा मराठी पत्रकार संघाच्या वतीने दरवर्षा प्रमाणे यंदा ही ६ जानेवारी २०२५ रोजी पत्रकार दिनानिमित्त संचारकार स्व रंगा अण्णा वैद्य यांच्या स्मरणार्थ दै दिव्य मराठी चे वरिष्ठ वार्ताहर विनोद कामतकर यांना तर ‘कासिदकार’ स्व. अ. लतीफ नल्लामंदू यांचे नावे असलेला पुरस्कार एबीपी माझा जिल्हा प्रतिनिधी आफताब अन्वर शेख यांना आणि बार्शीचे ज्येष्ठ संपादक स्व बाबुराव मठपती यांच्या स्मरणार्थ दै तरुण भारतचे संपादक प्रशांत माने यांना जाहिर करण्यात आले अशी माहिती पत्रकार संघाचे कार्याध्यक्ष अय्यूब नल्लामंदू यांनी दिली आहे. गौरव पत्र, पांच हजार रुपये रोख, शाल श्री फळ, पुस्तके असे पुरस्काराचे स्वरूप आहे.
“आदर्श पत्रकार पुरस्कार २०२५” चे वितरण विजापूर रोड सोलापूर येथील “पत्रकार भवन” च्या कै रंग्गा अण्णा वैद्य सभागृह मध्ये ६ जानेवारी २०२५ दुपारी १२:३० वाजता हा कार्यक्रम संघाचे अध्यक्ष अशोक मठपती यांच्या अध्यक्षतेखाली व शहर मध्य चे आमदार देवेंद्र कोठे यांच्या शुभ हस्ते प्रदान करण्यात येईल या वेळी सोलापूरच्या पोलीस आयुक्त एम. राजकुमार, जिल्हा माहिती अधिकारी सुनिल सोनटक्के हे प्रमुख पाहुणे म्हणून उपस्थित राहतील. या कार्यक्रमास सर्वानी वेळेवर उपस्थित रहावे असे आवाहन निवड समितीचे अय्युब नल्लामंदू व सचिव प्रा पी पी कुलकर्णी यांनी केले आहे.
