महामानव डॉ.बाबासाहेब आंबेडकर ट्रेड युनियनच्या वतीने नूतन पालिका आयुक्त डॉ सचिन ओंबासे आणि शितल तेली उगले यांचा केला सन्मान
सोलापूर : प्रतिनिधी
महामानव डॉ.बाबासाहेब आंबेडकर ट्रेड युनियनच्या वतीने सोलापूर महानगरपालिकेचे नूतन आयुक्त डॉ.सचिन ओंबासे यांचे सोलापूर महानगर पालिकेमध्ये आगमन होताच ट्रेड युनियनचे अध्यक्ष कामगार नेते बापूसाहेब सदाफुले यांच्या मार्गदर्शनानुसार ट्रेड युनियन महिला सदस्य यांच्या हस्ते औक्षण करण्यात आले. तसेच पदभार स्वीकारताच विश्वरत्न डॉ.बाबासाहेब आंबेडकर लिखित बुद्ध आणि त्यांचा धम्म हा पवित्र ग्रंथ भेट देऊन त्यांचा शाल, पुष्प देऊन सत्कार करण्यात आला.
यावेळी नूतन आयुक्त यांनी ट्रेड युनियनच्या कार्यपद्धतीचे कौतुक केले. तसेच तात्कालीन आयुक्त शितल तेली उगले यांनी सोमपा प्रशासन आयुक्त म्हणून अतिशय चांगल्या प्रकारचे काम केल्याबद्दल व ट्रेड युनियनची प्रमुख मागणी सोमपा मधील २४९ बदली रोजंदारी कर्मचाऱ्यांचा सेवेत कायम करण्याचा प्रस्ताव शासनाकडे सादर केल्याबद्दल व ट्रेड युनियनच्या कर्मचाऱ्यांच्या मागणी संदर्भात अतिशय सकारात्मक भूमिका घेतल्या बद्दल त्यांचा शाल, पुष्प देऊन सत्कार करून पुढील कार्यास शुभेच्छा देण्यात आल्या.
यावेळी ट्रेड युनियनचे पदाधिकारी राम चंदनशिवे, सुनील शिंदे, बिबीशन गायकवाड, अंबादास सरवदे,अलीम पठाण, गौतम कांबळे बदली रोजंदारी सेवक व ट्रेड युनियन महिला सदस्य कर्मचारी वर्ग मोठ्या संख्येने उपस्थित होते.
